Gjykata e Tiranës ka dhënë masën e arrestit 5 muaj dhe 10 ditë burg për një 26-vjeçare, pasi ajo kishte ushtruar dhunë ndaj gjyshes së saj 79-vjeçare. Dhuna ndaj të moshuarës kishte ardhur ndërkohë që kjo e fundit ishte me urdhër mbrojtje nga mbesa dhe nëna e saj.
Në rrëfimin e dhunimit 79-vjeçarja ka treguar se ditën e ngjarjes, mbesa i është futur në dhomë dhe i ka kërkuar gjyshes që të thërriste vajzën e saj për tu sqaruar. E moshuara ndërkohë ka dalë në korridor për tu sqaruar me mbesën e saj. Por konflikti mes tyre ka devijuar edhe në dhunë fizike. Mbesa ka marrë karrigen që ishte në korridor dhe i ka rënë gjyshes së saj në këmbë dhe dhe krahë. 79-vjeçarja është shtrirë përtokë dhe menjëherë më pas është lajmëruar policia, e cila ka bërë shoqërimin e 26-vjeçares/ Jeta Osh Qef.
