Ditën e sotme në media të ndryshme u përfol shumë për një skandal në votimin e Këngës Magjike. Këngëtari nga Maqedonia, Berkani, ishte i pranishëm në finale, por pikët e tij ishin të pamjaftueshme sepse figuronte në vendin e 33-të me vetëm 100 pikë. Në vendin e 20-të u radhit Gerta Mahmutaj ft. John Vine Ride ndërsa në vendin e 21-të ishte Devis Xherahu me 271 pikë i cili mbeti jashtë finales duke ia liruar vendin Berkanit. Ky i fundit ka reaguar për lajmi.net në lidhje me këto lajme që kanë qarkulluar ditën e sotme. “Sivjet u bënë 21 çmime që as vet nuk e dija. E falënderoj RTV21 për atë që e kujtoi se ekziston Berkani i cili u la anash nga shumica e këngëtarëve të Shqipërisë. Po ta dija që bëhet ky shqetësim nuk kisha marrë pjesë” u shpreh ndër të tjera këngëtari.
Mes të tjerash ai tha se ndoshta kjo është një përgjigje për padrejtësinë që iu bë nga kolegët e tij të cilët nuk i dhanë votat e mjaftueshme për tu futur në finale (Top 20).
“Unë nuk jam fillestar , jam ngopur me çmimie, do të bëj videoklipe dhe projekte më shumë. Kjo ishte arsyeja që shumë kohë nuk u ktheva për shkak se skena është fëlliqur. Këngëtarët që kanë 2 këngë në karrierë duan të bëhen një me ata që këndojnë qe 12 vjet. E kërkoj gjeneratën e vjetër, atëherë kishte lezet dhe kënaqësi. Ky çmim (Çmimi i RTV 21 në Kënga Magjike) shkon për gjithë Kosovën! Mirë u bë!” thotë Berkani.
Por kjo nuk është hera e parë që kjo situatë ndodh në “Kënga Magjike”. Disa vite më parë prezantuesi dhe producenti i ‘Kënga Magjike’ Ardit Gjebrea ka sqaruar publikisht që artisti i cili fiton çmimin e ‘RTV 21’, si në këtë rast Berkani, kalon automatikisht në finale edhe nëse nuk ka pikë të mjaftueshme.
