Video-skandali seksual me kryegjyqtarin e Gjirokastrës, ishte paraprirë nga një kalvar i gjatë gjyqësor mes gruas që bëri denoncimin dhe ish-vjehrrës së saj. Siç raporton”Syri.net”, Rudina I. kishte dhunuar fizikisht dhe psikologjikisht ish-vjehrrën Merushe Makri për pronësinë e shtëpisë 3-katëshe ku banonin. 40-vjeçarja Rudina ndodhej në proces divorci me bashkëshortin dhe ishin në konflikt për ndarjen e pronësisë së shtëpisë së tyre. Po kjo agjenci lajmesh ka mundur të sigurojë vendimin e Gjykatës së Gjirokastrës së datës 18 gusht 2015 që miraton lëshimin e urdhrit të mbrojtjes për ish-vjehrrën e gruas që denoncoi skandalin seksual të gjykatësit Guximtar Boçi. Në vendimin e Gjykatës së Shkallës së Parë Gjirokastër theksohet se e moshuara është dhunuar fizikisht dhe psikologjikisht nga Rudina I., dhe në këtë mënyrë duhet të lëshohet në mënyrë të mënjehershme urdhri i mbrojtjes për ish vjehrrën e 40-vjeçares. Shkak i grindjeve mes tyre ka qenë pikërisht divorci me bashkëshortin dhe konflikti për ndarjen e pronësisë së banesës 3-katëshe. Rudina I. është pyetur gjatë këtyre ditëve nga hetuesit në lidhje me hetimet që po zhvillohen ndaj Guximtar Boçit, tashmë i shkarkuar nga posti i kryetarit të Gjykatës së Gjirokastrës dhe i pezulluar nga detyra. Ai ishte regjistruar me zë duke i kërkuar favore seksuale 40-vjeçares që të ndikonte në vendimin gjyqësor në favor të saj për pronësinë e banesës 3-katëshe.
