Ky Botëror u bë i paparashikueshëm. Pas eleminimit të Gjermanisë, erdhi eleminimi i Spanjës, Brazilit, Portugalisë dhe në fund i Anglisë.
Portugalia u eleminua ditën e sotme duke mbyllur aventurëm në fazën çerekfinale, ku u mposht 1-0 përballë Marokut.
Ylli i futbollit, Cristiano Ronaldo luajti sot për herë të fundit në një botëror.
37-vjeçari më herët kishte njoftuar se do mbyllë karrierën e tij me kombëtaren portugeze (në kompeticionet botërore).
Pavarësisht kësaj, në dy ndeshjet e fundit ai e nisi nga stoli. Sot Ronaldo u aktivizua në minutën e 51, duke mos arritur të bënte diferencën në minutat e mbetura. CR7 u largua nga fusha me lot në sy dhe videot e fotot po bëjnë xhiron e rrjetit.
Për këtë ka reaguar edhe partnerja e futbollistit, Georgina.
“Sot shoku dhe trajneri yt mori një vendim të gabuar. Ai shok për të cilin ke respekt dhe e admiron. I njëjti që të futi në lojë, e pa si ndryshoi gjithçka, por ishte shumë vonë. Nuk mund të nënvlerësosh lojtarin më të mirë në botë, armën më të fortë. Jeta na jep mësime. Sot nuk humbëm, por mësuam. Të adhurojmë.”-ka shkruar ajo.
