Snapchat-i mund Facebook-un, zbuloni pse

Në fushën e betejës për videot, Snapchat ka fituar kundër Facebook. Me 10 miliardë shikime në ditë, aplikacioni i krijuar për shkëmbimin e fotove dhe mesazheve “një përdorimëshe” që i pëlqen shumë adoleshentëve, ka mundur rrjetin social të Mark Zuckerberg, i cili po përpiqet të shtojë pamjet live dhe jo vetëm. Në prill të vitit 2015-të, Snapchat numëronte 4 miliardë video të shikuara në ditë. Potenciali i Facebook është 1 miliard e 650 milionë përdorues kundrejt gjysëm miliardi të Snapchat. Pjesa më e madhe e përdoruesve të Snapchat, e përdor aplikacionin për të bërë dhe shpërndarë video. Më shumë se çereku i tyre përdor “My story” me foto e video që ruhen vetëm 24 orë dhe më pas vetëfshihen. Kjo ka bërë që Snapchat të mundë Facebook.