Të gjithëve na ndodhet sodë buke në shtëpi. Këtë pluhur “magjik” mund ta përdorni jo vetëm për të pjekur kekun, por edhe për higjenën personale, për largimin e insekteve, apo për të pastruar shtëpinë tuaj. Gjithashtu, mund ta përdorni për lëkurën, për flokët, për të zbardhur dhëmbët apo për strijat në lëkurë.
Më poshtë po listojmë disa mënyra të tjera mjaft efikase sesi mund ta përdorni sodën e bukës, për të lehtësuar jetën tuaj.
Deodorant natyral
Ndaloni së përdoruri deodorantët me kimikate, pastrimi me sodë buke largon erën e keqe të djersës dhe djersitjen e tepërt.
Pickimet e insekteve
Lehtëson irritimet që mund të keni nga pickimi i insekteve.
Scrub
Sodën mund ta përdorni për pastrimin e lëkurës, për largimin e pikave të zeza, për zbehjen e njollave, apo për pastrimin e lëkurës në thellësi.
Flokët
Masazhimi i skalpit të kokës me sodë buke, ndihmon në rritjen e flokëve dhe reduktimin e yndyrës për ata persona që kanë lëkurë të yndyrshme.
Zbeh shenjat e lëna nga plagët
Soda e bukës,e përdorur rregullisht, në formë masazhi zbeh shenjat e ngelura në lëkurë nga plagët e ndryshme.
Largon erën e keqe të gojës
Përdoreni sodën e bukës për të pastruar gojën, dhe veçanërishtë gjuhën, e cila grumbullon shumë mikrobe, ju ndihmon të largoni aromën e keqe.
Largon aromat në frigorifer
Në qoftë se në frigorifer keni vendosur ushqime që mbajnë erë, përdorni sodën e bukës për ta pastruar dhe cdo aromë zhduket.
Për pastrimin e bizhuterive
Pastrojini bizhuteritë me sodë buke dhe do iu rikthehet sërish shkëlqimi.
Për dhëmb më të bardhë
Hidhni në furçën e dhëmbëve pak sodë buke, pastrojini ato siç bëni zakonisht dhe do të keni dhëmb më të bardhë dhe me shkëlqim.
Pastroni sobën
Soda e bukës është zgjidhja më e mirë për pastrimin e sobës apo të furrës. Hidheni sodën mbi sipërfaqen që do të pastroni dhe lëreni për disa minuta,pastaj pastrojeni dhe gjithcka do të shkëlqejë.
