Festivali i Këngës ka çelur siparin një natë më parë. Teksa në skenë janë ngjitur 13 artistët e parë, në kategorinë solo dhe grup, e pazakontë ka qenë një prej performancave. Një familje e tërë në skenë. Albina Kelmendi ka hyrë në skenë me të gjithë familjen, prindërit, motrat, vëllain me këngën “ Duje”.
Kujtojmë se nata e parë ishte e mbushur me surpriza, që nga bashkëprezantuesja e Arbanës, Olta Daku deri te interpretimi i të madhes Margarita Xhepa. Festivali vazhdon rrugëtimin deri më 22 dhjetor kur do të zgjidhet fituesi që do të përfaqësojë Shqipërinë në “Eurovision 2023”.
