Mbrëmja e sotme, solli në ekranin e “Top Channel” një dyshe të re në prezantimin e “Fiks Fare”. Ndryshe nga ç’jemi mësuar të shohim deri më tani, e premtja e kësaj jave nuk i takoi Albanës dhe Doktorit, por Romirit dhe Gentit. Nisur nga ky ndryshim, gazetari Olti Curri ka bërë një sondazh në faqen e tij, me temën: ‘Lufta e meshkujve të orës 20.30 / Saimiri & Genti apo Romiri & Genti?’ dhe nga votimet e deritanishme, dyshja e moderatorëve të “Stop” në “Tv Klan”, rezulton të jetë më e pëlqyer nga publiku. Edhe matësit e audiencës thonë të njëjtën gjë si sonazhi i zhvilluar nga Olti Curri. Tashmë froni i takon Saimirit dhe Gentit.
