Songyl mëson se është shtatzënë, nesër në “Lule të vetmuara”

Ali transformohet për t’i përngjarë sa më shumë dhëndrit ideal. Ai shkon të rregullojë çezmën në shtëpinë e Feridesë për t’i rënë në sy Toprakut por nuk merr aspak vesh nga këto punë. Nazan bëhet merak se me cilin person po shoqërohet Defne por kjo e fundit nuk i tregon që ai është Ezhderi. Meral e kalon natën në konvikt dhe e ka të vështirë t’i përshtatet kushteve të mëparshme të jetesës. Duke parë gjendjen e vështirë ajo heq dorë dhe vendos të mos i tregojë Kaderit të vërtetën. Songyl mëson se është shtatzënë. Ajo e ndan lajmin e bukur me vajzat dhe gëzohen pa masë. Për shkak të një ngatërrese Neriman mendon se Ferideja është shtatzënë dhe u thotë të gjithëve./revistawho.com