Ajo ka dashur gjithmonë që të ketë në krahë një partner që ta mbështesë dhe të përfshihet 100% në jetën e saj… Dhe ja tek vjen, më e dashuruar se kurrë me mashkullin e saj të zemrës, Klevin. Burime të afërta me çiftin thonë për “revistawho.com” se tashmë ata e kanë zyrtarizuar marrëdhënien e tyre me fejesë. Por Soni Malaj dhe partneri i saj Klevi, janë tashmë të pandarë, jo vetëm në jetë por edhe në biznes. “Sophie”, lokali ‘hit’ në Tiranë do të çelë sonte një filial të ri në qendër të Tiranës, tek ish-kinema 17 nëntori, dhe për pronarë do të ketë Sonin dhe Klevin. “Sophie” është biznesi i tyre i parë, por me gjasë të tjera projekte interesante do të vijojnë për dyshen simpatike.
Foto: Altin Çelmeta
