Soni Malaj ka zbuluar një aspekt të veçantë të procesit të saj krijues, i cili ndikon drejtpërdrejt në disa prej teksteve të këngëve që ajo interpreton.
Në një episod të X Factor, Soni tregoi se kishte bërë disa ndryshime në tekstin e këngës “Highway to Paradise” për ta përshtatur me bindjet e saj fetare. “Si besimtare, nuk na shkonte ai tekst. Kam bërë disa shkurtime në vargje për ta përshtatur me parimet e mia,” tha ajo.
E surprizuar nga kjo, moderatorja Alketa Vejsiu e pyeti nëse kjo lidhej me bindjet e saj fetare. Soni e konfirmoi: “Po, është çështje besimi. Nuk kemi pse të admirojmë entitete të tjera kur jemi të Zotit.”
