Bashkia e Tiranës ka ndarë çmimet për “Personalitetet e Vitit 2015”, ku ndër të vlerësuarit ishte edhe babai i Soni Malaj, i cili u nda nga jeta vetëm pak javë më parë.
Soni ka ndarë këtë emocion së bashku me ndjekësit e saj në Instagram duke publikuar një foto nga momenti i rrëmbimit të këtij çmimi të rëndësishëm, bashkangjitur së cilës shkruan: “Pafund e lumtur, e nderuar dhe e emocionuar, që emri i babait tim dhe puna e tij e palodhshme në fushën e turizmit shqiptar,lartësohen. Do kisha dashur të ishte me ne dhe të gezonim familjarisht këtë çmim, por jeta u tregua shumë e ashpër me të dhe ai nuk jeton më. Por puna dhe ëndrra e tij, do vazhdojnë të realizohen. Të dua shumë babi, mbret im”.
