Soni Malaj është një prej këngëtareve më të suksesshme në tregun e muzikës shqiptare. Për vite me radhë ajo ka treguar se di si të jetë një hap me kohën dhe ka qenë gjithmonë prezentë në skenë. Por mesa duket muzika nuk është i vetmi pasion dhe talent i Sonit. E ftuar në emisionin ‘Pop Culture’ ajo ka treguar se rreth viteve 2000, kohë në të cilën filloi dhe transmetimin seriali “Njerëz dhe Fate” këngëtares i ishte propozuar të luante njërin prej roleve. Soni do të kishte luajtur rolin e Didit, të cilin në film e realizoi aktorja kosovare Arta Muçaj. Por edhe pse ajo nuk u zgjodh si aktore, Soni përsëri u përfshi në projektin e serialit, duke bërë kolonën zanore të tij.
