Soni Malaj ka ndarë së fundmi një video ku ka lajmëruar për të gjithë fansat startimin e një rrugëtimi të ri televiziv në ‘Vizion Plus’ me ‘Këngë Moj’.
Mes shumë komenteve ka dalluar ai, të cilit këngëtarja ka zgjedhur t’i kthejë përgjigje duke treguar një sjellje shumë elegante.
“Për zotin mu duke si Greta Koçi”, ka shkruar fansja poshtë videos. Sakaq nuk ka munguar dhe përgjigja e Sonit e cila ka shkruar: “Për mua është një ngatërresë shumë e lezetshme sepse @gretakoci1 është një vajzë dhe një artiste fantastike”.
Ndonëse komenti nuk ka qenë aspak dashamirës apo me dashuri, pasi komentuesja e ka shoqëruar me të qeshura me lot, Soni jo vetëm që nuk është ofenduar, por e ka marrë shumë me sportivitet.
Ose Soni është vërtetë fanse e Gretës dhe mënyrës se si ajo duket, ndaj e ka marrë si kompliment, ose nuk është lloji i vajzës që reagon me agresivitet ndaj jodashamirësve. Kushdo të jetë arsyeja, na pëlqen reagimi i saj./revistawho.com
