Sonila Meço aktualisht ka marrë një pauzë nga ekrani po kjo nuk do të thotë që dashuria e saj për televizionin është shuar. E dini se Meço ka bërë televizion për shumë vite, e jo vetëm në shqip. Përfshirja në Agon Channel i krijoi moderatores hapësirën për të pasur edhe një program në gjuhën italiane. E pikërisht për të Sonila është bërë nostalgjike sot. Ajo ka publikuar në Instagram një foto ku shfaqej në Agon Italia ndërsa shkruan: “Përvoja e parë në tregun mediatik italian.
Kur ëndrrat e adoleshencës, duke strukur fytyrën mes duarve për të mos humbur asnjë detaj romantik nga tekstet e Ambrës, përshëndesnin ato të vajzës së rritur që shtrëngonte tëmthat me mollzat e gishtave për të mos humbur asnjë batutë nëpër dhëmbët e Santoros…e diku, në një frekuencë paralele guxoja programin tim enciklopedik La fortuna fa 90…
Televizioni është magjik edhe për këtë arsye”./ revistawho.com
