Sot në orën 9 të darkës, në shtëpinë e “BBV” do të ketë “dasmë”.
“Vëllai i Madh” u dha të drejtën banorëve që përmes një votimi të hapur të zgjidhnin mes çifteve Ilnisa-Meriton dhe Sara-Bardhi. 8 vota shkuan Sarën dhe Bardhin ndërsa 10 për Ilnisën dhe Meritonin.
Kjo ka mjaftuar që mes Sarës dhe Bardhit të ndodhë debati i parë në çift.
“Bravo i dhe një natë vëmendje, një ‘prime’, dy ‘prime’. Je ‘out’ lale. Ik mos të shikoj. Çfarë je duke bërë mor vëlla? I dhe sot vëmendje, ‘prime-n’ ja dhe, të gjitha ja dhe. A je për Ilnisën këtu? Më shiko në sy, shkon ja u jep votën atyre. Mos më fol më, nuk të flas më se ti gënjen se ke thënë tjetër gjë se çfarë do bësh këtu në lidhje me mua dhe po ua jep atyre. Nëse më jep mua fjalën për diçka e tregon me vepra jo me fjalë. Po më merr në qafë më shumë sesa po më bën nder”, tha ajo.
