Sot, 17 Shkurt 2021 ishte data më e rëndësishme e këtij viti për vetë faktin sepse pikërisht sot nis një nga eventet më të rëndësishme astrologjike: Lidhja e Saturnit me Uranin (diçka e madhe në astrologji). Ky transit do ndodhë 3 herë gjatë këtij viti: 17 shkurt, 14 Qershor dhe 24 Dhjetor.
17 shkurti është thjesht fillimi i një “historie” që do ndikojë tek ne gjatë gjithë vitit.
Për të patur një ide se çfarë na pret le të bëjmë pak histori:
Në nivel global, lidhja e Saturnit me Uranusin ka sjellë rrëzime të qeverive si Bashkimi Sovjetik dhe ndryshime ekonomike siç ndodhi në vitin 1929 deri në 1939.
Në vitin 1999-2000 interneti ndryshoi botën dhe mënyrën sesi komunikojmë, si bëjmë biznes dhe para.
Tani le të kthehemi në 2021-shin. Pas ditës së sotme do të nisin me ngadalë ndryshimet (asnjë ndryshim astrologjik nuk ndodh menjëherë, por gradualisht). Dhe ndryshimet pritet të ndodhin në fushën e teknologjisë.
Në nivelin individual, kjo do jetë koha për ndryshim dhe rritje. Mund të ndiheni rebelë dhe në kërkim të lirisë.
Le të shohim në vazhdim si do ndikojë lidhja e Saturnit me Uranin në çdo shenjë horoskopi:
Dashi – Financat janë me ulje-ngritje. Një herë ndiheni sikur mund të blini çfarë të doni, një herë tjetër sikur nuk keni para as për një sanduiç. Mundohuni që gjatë kësaj periudhe të krijoni një buxhet që ju përshatet në mënyrë që të mos mbeteni pa para.
Demi – Ndryshimi po ndodh dhe nuk jeni gati. Në vend që t’i shmangeni dhe të fshiheni, pranojeni transformimin. Është koha që jeta juaj të ndryshojë, si në karrierë, edhe në dashuri.
Binjakët – Do keni ide të reja që më parë nuk i mendonit. Do jetë pak stresuese për ju sepse jeni mësuar me komplet tjetër gjë. Por për një rezultat të mirë përzini idetë e reja me të vjetrat dhe gjeni balancën.
Gaforrja – Keni frikë nga e panjohura dhe e urreni ndryshimin, por ja që është diçka që duhet të ndodhë. Kjo nuk do të thotë që të merrni vendime ekstreme. Merreni çdo gjë me ngadalë.
Luani – Jeta juaj profesionale po transformohet dhe nuk duhet të qëndroni me idetë e vjetra. Jeni gati për mundësi të reja në karrierë. Por janë idetë e vjetra ato që po ju mbajnë pas.
Virgjëresha – Ju duket sikur nuk po përshtateni dot me ndryshimet, por merreni çdo gjë me ngadalë dhe merrni kohën tuaj për të procesuar gjithçka që po ndodh.
Peshorja – Humori juaj po ndryshon shpeshherë, por në momentin që do merrni një vendim do qëndroni tek ai, duke respektuar edhe limitet e të tjerëve.
Akrepi – Të gjitha marrëdhëniet tuaja kanë qenë me ulje-ngritje kohët e fundit. Prandaj e vetmja zgjidhje është të diskutoni me partnerin ose familjen. Mos i fshihni ndjenjat.
Shigjetari – Kohët e fundit jeni ndjerë të mbyllur, sikur nuk mund të shprehni veten hapur me njerëzit tuaj të dashur. Por mos hezitoni, tregoni çfarë ndjeni. Është koha t’i thoni të gjithëve planet dhe ëndrrat tuaja.
Bricjapi – Financat po ju stresojnë shumë dhe po ndiheni xhelozë të njerëzve që fitojnë më shumë se ju. Mos e krahaso veten me të tjerët. Po bën më të mirën.
Ujori – Nuk po i lejoni ndryshimet të ndodhin në jetën tuaj personale, por ka ardhur koha të pranoni transformimin. Jeta është me plot mundësi.
Peshqit – Të jesh mendjehapur mund të jetë e vështirë dhe shumë gjëra po i paragjykoni. Por tani duhet të ndryshoni pikëpamjen tuaj.
