Moderatori i njohur Isli Islami ka qenë i ftuar mbrëmjen e djeshme në emisionin “Mos i fol shoferit” në RTV Ora. Ai ka treguar disa të fshehta që askush nuk i dinte më herët, fillimet e karrierës së tij dhe mënyrën se si u bë pjesë e skuadrës së Top Albania. Isli ka rrëfyer me plot humor se e kanë e refuzuar dy herë dhe se në qoftë se nuk fitonte herën e tretë do të bëhej gomist. ‘Në Top Albania hyra me dhunë sepse konkurrova në fillim dhe nuk më morën. Ka qenë një konkurs për Selectin dhe do merreshin dy personazhe të rinj. Supozoheshin të ishin 1 vajzë,1 djalë. Ishim finalistë, 9 vajza, unë djalë dhe fituan dy vajza. Më pas, marr vesh që ishte vend i lirë në Top Albania për prezantues. Këtë herë thashë e treta e vërteta nëse nuk fitoj, do bëhem gomist. Më pëlqyen zërin dhe pastaj më bënë një trajnim të vogël aty’, tha Islami.
Kujtojmë që ai prej kohësh është në aktiv në ekranin e ‘Top Channel’ me emisionin e mëngjesit ‘Wake up’ së bashku me bukuroshen Ori Nebiaj./revistawho.com
