Grupi me famë botërore,”Spice Girls”, muaj më parë dha lajmin se do të ribashkohej. Megjithatë në grup do të ketë mungesa, sepse Victoria Beckham deklaroi se nuk do të jetë më pjesë e tij. Sot vajzat e ‘Spice Girls’ nisin një turne në mbarë botën dhe Victoria nuk ka ngurruar të shprehë publikisht mbështetjen për to. Victoria publikoi në ‘Instagram’ një foto të 1997, në kohën kur edhe ajo ishte pjesë e grupit. Përkrah fotos stilistja e njohur shkruajti: “Paçin fat vajzat sot, sepse nisin turneun e tyre. Spice Girls. Miqësia nuk mbaron kurrë”.
https://www.instagram.com/p/Bx1tulUpxu0/
Edhe David Beckham ka mbështetur publikisht vajzat dhe sigurisht i ka dedikuar disa fjalë partneres së tij, që nuk do mund të ngjitet në skenë bashkë me grupin. Ish-futbollisti publikoi në ‘Instagram’ një foto të Victoria-s nga një videoklip i “Spice Girls” dhe tregoi se kjo ditë është e mbushur me shumë emocione për bashkëshorten e tij. “Si dikush që ka jetuar me Posh Spice për 23 vitet e fundit e di se sa emocionuese do të jetë sot, por dua t’i uroj të gjitha vajzave fat në turneun e tyre të mrekullueshëm. Do të ketë vetëm një Posh Spice”, ka shkruar David duke ju drejtuar Victoria-s.
Pavarësisht se ajo nuk pranoi të jetë më pjesë e grupit, vajzat e “Spice Girls” kanë vendosur që Victoria Beckham të mos e lënë në harresë, por ta përmendin gjatë koncerteve. /revistawho.com
