Me siguri në momentin që përmendet emri i Mirela Milorit, menjëherë ju vjen në mend spikerja me zërin e veçantë, e cila për shkak të eksperiencës së saj ka arritur një profesionalizëm të lartë. Rreth 5 vite më parë ajo u kthye nga Amerika në Shqipëri dhe filloi punën si spikere në televizionin “ABC News”. Ditën e sotme Mirela ishte e ftuar në emisionin “Pasdite ne Top-Channel” ku foli jo vetëm për fillimet e saj në gazetari, por edhe për rolin e saj si nënë me djalin, Ejden.
Në fakt për momentin djali i saj 12-vjeçar jeton në Amerikë, megjithatë Mirela udhëton shpesh për ta takuar dhe për të plotësuar rolin e saj si nënë. Ajo ka treguar se mundohet ta kuptojë sa më shumë Ejden, por i trembet adoleshencës së tij. “Nuk dua të dukem si ato mamatë që thonë se i kanë gjërat nën kontroll. Unë i trembem adoleshencës së tij. Asnjëherë nuk mund t’i kontrollojmë të gjitha. Themi sot jemi mirë, nesër s’i dihet”, – tha Mirela. Megjithatë djali i saj 12-vjeçar është një fëmijë i disiplinuar, duke qenë se Mirela ka treguar se ai mëson shumë. /revistawho.com
