Sot është ditë feste në familjen Prifti, ndonëse brenga e humbjes së madhe vazhdon te jetë me ta. Këngëtari Stefi Prifti feston sot përvjetorin e lindjes. Ky është viti i parë pas shumë të tjerësh, që ai do të festojë pa Marinën e tij, bashkëshorten e cila u nda nga jeta pak muaj më parë. Por Stefi nuk është vetëm. Përveç familjes, të vëllait Endri, miqve të shumtë, ai ka dhe dy vajza që i dhurojnë një dashuri të pakufijshme. Kjo kuptohet teksa lexon rreshtat e dedikimit të ndjerë që i ka bërë më e vogla, Joana Prifti. “I uroj ditëlindjen një nga personat më të rëndësishëm në jetën time. Ke qenë një baba i mrekullueshëm. Nuk mund ta imagjinoja jetën time pa ty Babi im! Vazhdoj të të kem idhull (ty dhe mamin)! Shpresoj të bëhem sa çereku jot kur të rritem, të kem ½ e talentit tënd dhe ½ e fuqisë tënde! Të kem ½ e zgjuarsisë tënde dhe thjesht të të kem ty pjesë të jetës sime. Hapy Birthday dad (Gëzuar ditëlindjen babi)”, ka shkruar ajo, teksa ka publikuar një foto të të dy prindërve.
