E ftuar në programin më të ri të Vizion Plus “VIP Zone” që drejtohet nga Eva Murati, modelja shqiptare me famë botërore Loreta Fishta, ka rrëfyer rrugëtimin e saj. Stërmbesa e shkrimtarit të madh Gjergj Fishta tregoi për sukseset që rradhiteshin njëri pas tjetrit duke qenë për shumë vit imazh i kompanive më prestigjioze në të gjithë botën. Tashmë ajo ka vendosur të jetojë në Shqipëri pranë familjes, djalit dhe bashkëshoritit të saj. Loreta ka hapur gjithashtu edhe një kompani ku merret me imazhe të reja, modele e fotomodele që ajo menaxhon dhe ndihmon për t’u futur në tregun e huaj, europian dhe botëror. “Isha shumë e shkurtër dhe gjithmonë ishte shumë problem por unë arrita në kulmet e karrierës time me Cristian Dior dhe daljen e imazhit tim në revistën Indiane “Vogue”, ka thënë Fishta.
