Aurela Gaçe gjithmonë ka treguar se palestra është një nga pasionet e saj më të mëdha. Këngëtarja ka thënë se përveçse i mban trupin në formë, palestra e ndihmon shumë për zërin e saj dhe për të pasur energji në skenë. Nga fotografitë dhe videot e publikuara në ‘Instagram’ vihet re një ndryshim i dukshëm në trupin e Aurelës. Pavarësisht se është dhe nënë e dy vajzave ajo ka një trup të tonifikuar dhe me muskuj.
Mbi të gjitha rezultatet e palestrës vihen re edhe në peshën e saj, ku në foto dallohen qartë kilogramët e humbur. Madje brenda një viti, këngëtarja ka humbur një masë të konsiderushme kilogramësh. Ditën e sotme ajo ka treguar se për një vit ka humbur plot 25 kilogramë. Megjithatë Aurela ka thënë se kjo nuk ka qenë një punë aspak e lehtë, sepse i është dashur të ushtrohet përditë dhe të ushqehet në mënyrë sa më të shëndetshme. Epo tani mund të themi se energjia dhe vullneti i Aurelës është me të vërtetë për t’u marrë shembull. /revistawho.com
https://www.instagram.com/p/BlGhVcqgfJm/?taken-by=aurelagaceofficial
