Koronavirusi po përhapet me një shpejtësi të madhe dhe raste të reja po konfirmohen çdo ditë. Italia është vendi i parë në Europë me numrin më të lartë të rasteve me Covid-19. Mbrëmjen e djeshme Giorgio Armani lajmëroi se do të dhurojë 1.25 milionë euro për spitalet dhe institucionet që luftojnë përhapjen e koronavirusit.
Nga donacioni do të përfitojnë spitalet Luigi Sacco dhe San Raffaele, po ashtu edhe Istituto dei Tumori në Milano dhe Istituto Lazzaro Spallanzani në Romë.
Stilisti i famshëm vetëm pak javë më parë nga frika e këtij virusi zhvilloi sfilatën e tij me dyer të mbyllura, në një sallë bosh.
