Valdrin Sahiti është një nga stilistët më të njohur të Kosvës dhe një pjesë e madhe e vajzave të showbiz-it kosovar dhe shqiptar zgjedhin të vishen me rrobat të dizajnuara prej tij. Valdrini ishte i ftuar në emisionin radiofonik ‘You&Me’, ku tregoi për gjithë eksperiencën e tij me vajzat e showbiz-it.
Ai ka treguar se vajzat nga Kosova dhe ato nga Shqipëria kanë shumë ndryshime përsa përket stilit të tyre në të veshur. “Artistet e Kosovës kanë më shumë stil dhe guxim, ndërsa të Shqipërisë kanë më shumë klas dhe njohin kualitetin, materialin, komoditetin. Për koston në Kosovë pyesin më shumë, ndërsa në Shqipëri duan që një gjë që ta marrin ta marrin të saktë.” Ndërsa kur u pyet se cila është femra më seksi e showbiz-it shqiptar, Valdrini tha: “Mendoj se Nora Istrefi është një nga femrat më seksi shqiptare, është bombë.”
Në fakt Nora Istrefi është një nga ato femra, që tregon gjithmonë kujdes për trupin e saj. Ajo stërvitet vazhdimisht në palestër me një trajnere personale dhe madje as lindja nuk arriti ta ndryshonte trupin e Norës. /revistawho.com
