Stefano Gabbana njihet si një nga stilistët më të mirë në botë. Prej vitesh emri i tij kryeson listën e shtëpive më të mëdha të modës në botë. Këtë herë ai ka arritur të tërheqë vëmendjen me një koment në ‘Instagram’ që menjëherë ka zënë faqet e para të mediave. Një faqe ku komentohen personazhet e njohur, ka publikuar një foto me disa paraqitje të Selena Gomez me fustan të kuq.
Foto është shoqëruar me një pyetje për ndjekësit, për veshjen më të bukur të këngëtares. Pikërisht në këtë foto, Stefano shkruan: “Ajo është shumë e shëmtuar”. Fansat e Selenës janë hedhur në sulm, duke nisur kështu ‘një luftë’ në mbrojtje të idhullit të tyre./revistawho.com
