Artistët shqiptarë vazhdojnë të na surprizojnë çdo herë e më shumë me arritjet e tyre në çfarëdolloj fushe. Këtë herë ishte radha e stilistes Rezarta Skifterit me koleksionin e saj për t’u prezantuar në Milano Fashion Week. Nëpërmjet postimeve të të ftuarve, stilistja ka lajmëruar që do të jetë pjesë e këtij eventi. “Gati për sfilatën në Milano”, shkruan ajo në një nga postimet ku duket dhe një nga krijimet që do shfaqen në pasarelë. Padyshim, kjo arritje është frut i punës dhe talentit të stilistes, e cila është dalluar gjithnjë për stilin e saj unik. Kujtojmë që kjo nuk është hera e parë që stilistja merr pjesë në këtë event të rëndësishëm të modës. Edhe vitin e kaluar, Skifteri ishte pjesëmarrëse në javën e modës në Milano.
