Stine ka shumë vite që është pjesë e skenës shqiptare dhe disa breza janë rritur me muzikën e tij. Ai vazhdon të jetë shumë aktivë në muzikë dhe dashuria nga ana e publikut sa vjen e shtohet. Së fundmi Stine ka mbetur i surprizuar pikërisht nga mikpritja që i ka bërë publiku në vendin e tij të lindjes. Këngëtari ka publikuar një video, në të cilën ka treguar se ka qenë i pranishëm në Dibër për festën e 1 qershorit, festën e qershive dhe për promovimin e turizmit. Në video shihet se në publik kanë qenë të pranishëm persona nga moshat më të ndryshme, të cilët këndojnë njëzëri këngën e Stines. Kjo gjë e ka emocionuar këngëtarin, ndaj ai ka shkruar dy fjalë për suksesin e tij. “Shumë e thjeshtë. Asnjëherë mos u dorëzo, sado ulje-ngritje të ketë jeta. Edhe sa herë të mundohet ajo të të përplasi përtokë me surprizat e saj, prapë së prapë beso në ëndrrën tënde, ki vullnet për atë që do dhe do arrish aty ku duhet. E dua qytetin tim. Dibra ime faleminderit pafund për mikpritjen spektakolare dhe shumë të sinqertë”, ka shkruar Stine në ‘Instagram’.
https://www.instagram.com/p/ByTC2PChRmx/
Muajt e fundit këngëtari ka publikuar disa projekte muzikore dhe shumë shpejt pritet që ai të nxjerrë dhe albumin e tij të plotë me 20 këngë. /revistawho.com
