Stine flet për sherrin me Florin: Jam dhe jemi ndryshe

Pas icidentit të ndodhur në finalen e festivalit “Kënga Magjike” midis dy kantautorëve Florian Mumajesi dhe Stine, ky i fundit flet për herë të parë lidhur me këtë ngjarje që u bë kryefjala e gazetarisë rozë javëve të fundit. Përmes llogarisë së tij të “Facebook”, Stine shpreh keqardhjen për ngjarjen e ndodhur, duke mos u thelluar shumë në detajet e asaj nate. Këngëtari i “Çifti simpatik”, sqaron se ai dhe Flori janë të ndryshëm. “Prsh miq. Duke marrë shkas nga ditët e para të këtij viti të ri desha t’iu uroj përzemërsisht, dhe të sqaroj një situatë të vitit që e hodhëm pas me të mirat dhe jo të mirat e tij. Ju detyrohem një sqarim për incidentin e Këngës Magjike. Siç e kam thënë edhe në “DWM”, janë komentuar lloj e lloj versionesh duke vënë në pah vlerat apo antivlerat e njërit apo tjetrit. Jam dhe jemi ndryshe pa patur nevojë për incidente të kësaj natyre. Ne jemi Artistë njëkohësisht edhe shembuj të Kulturës dhe artit, sjelljes, mënyrës dhe se si jetojmë etj etj. Kështuqë le të qëndrojmë të tillë deri në fund.Kam ecur prej vitesh dhe kam arritur bashkë me mbështetjen tuaj aty ku duhet. Gjej rastin t’iu falenderoj për çdo përkrahje dhe çdo mbështetje tuajën.me rsp N.Duka”, shkruan Stine.