Stine harron sherrin, del për jetë nate me kolegët (foto)

E ka lënë pas krahëve ngjarjen e pakëndshme që ndodhi në finalen e ‘Kënga Magjike”. Duke u përpjekur të harrojë sherrin, kantautori Nesti Duka që nga të gjithë njihet si Stine, ka dalë të argëtohet me kolegët e tij të spektaklit të vallëzimit “Dance with me”. Teksa procedura nga ana ligjore vazhdon, dy artistët e përfshirë në përplasjen fizike të ndodhur të shtunën, i janë rikthyer shumë shpejt rutinës së tyre. Po ashtu edhe Flori Mumajesi po vazhdon koncertet e jashtë vendit. Të shtunën në mbrëmje, pas përfundimit të natës finale të festivalit “Kënga Magjike”, një sherr midis dy kantautorëve Florian Mumajesi edhe Nesti Duka degjeneroi në përleshje fizike nga ku Mumajesi mbeti i dëmtuar e më pas bëri kallëzim në polici.