Disa ditë më parë, Kylie Jenner publikoi një video në ‘Youtube’ me titull ‘Një ditë nga jeta ime’, ku zbulonte disa nga aktivitetet e ditës së saj. Siç mund ta mendoni, një pjesë të rëndësishme të ditës së saj e kalonte duke punuar. Si një mama e re, Kylie detyrohet që edhe vogëlushen e saj Stormin, ta marrë me vete në ambientet e punës, por së fundmi ajo ka zbuluar se edhe Stormi përfshihet në projektet e mamasë së saj. Edhe pse 1 vjeç, ajo shfaqet e ulur në një stol, duke pozuar. Për të mbajtur vëmendjen e saj, fotografi i kërkon të thotë emrin e vet dhe emrin e kushërirës ‘True’. Sipas ‘Cosmopolitan’ ky detaj kishte të bënte me një bashkëpunim të mundshëm mes Kylie dhe motrës së saj Khloe. Ende nuk dihet asnjë detaj më tepër, por për momentin, të gjithë po ‘çmenden’ pas videos së vogëlushes Stormi dhe mënyrës se si ajo i thotë fjalët./revistawho.com
https://www.instagram.com/p/BybhIc2HzfV/?igshid=exa5i2qbo2wc
