Pas 8 muajsh heqje lirie, mbrëmjen e djeshme Stresi doli nga burgu për t’u rikthyer sërish pranë familjarëve të tij. Reperi i njohur u prit me festë nga të afërmit dhe fansat, të cilët e kanë mbështetur në çdo moment gjatë kësaj kohe. Dalja nga burgu përkoi edhe me datën e tij të lindjes, ndaj Stresi këtë e cilësoi si një nga dhuratat më të bukura për ditën e tij të shënuar.
https://www.instagram.com/p/BytMuqDHtS5/
Siç duket ai nuk është i vetmi që ka përjetuar këto emocione, sepse me të njëjtën situatë është përballur edhe Getinjo. Reperi i njohur ka treguar se edhe ai ka dalë nga burgu në ditëlindjen e tij dhe se e kupton fare mirë Stresin. “Zoti është i madh. E kam përjetuar edhe unë këtë ndjenjë, lirimin në datën e lindjes. Qofsh gjithmonë i lumtur vëlla ti dhe familja jote. Mirëserdhe ushtari i rrugës”, ka shkruar Getinjo bashkangjitur një video të Stresit nga momenti i daljes nga burgu.
Më herët Getinjo ka rrëfyer se ka qenë tre herë në burg dhe këtë e ka cilësuar si një nga eksperiencat më të vlefshme të jetës, prej së cilës ka nxjerrë shumë mësime. /revistawho.com
