Ku ka zhurmë, ka edhe Stres. Në këtë rast jo nga ai stresi si ndjesi, por nga ky Stresi shqiptar, që gjendet zakonisht në ndonjë ngjarje të bujshme. Por ç’ka më pak telenovela e radhës shqiptare? Bujë e çfarë buje ka bërë trekëndëshi Tea-Beart-Andi e ka shkuar edhe në vesh të Stresit, që me një status të gjatë, i është drejtuar Teas. Urtë e butë, krejt ndryshe nga reagimet e tij tipike, Stresi, si të ishte duke folur me një mikeshë që ia ka prishur qejfin, e ka sulmuar Tean, por me pambuk, duke e kuptuar në fillim që po kalon situatë të vështirë, pastaj duke e qortuar, ka mbajtur edhe qëndrim për fenemonin “Përputhen” e në fund sigurisht ka dhënë edhe një mesazh: “Tregoni Shqipërinë e vërtetë”, që sipas tij nuk është ajo e vajzave të kuruara të ekraneve. Madje jep edhe një sugjerim personazhesh. Nuk është në anën e Teas Stresi, aspak. Por më të butë se kaq e keni parë ndonjëherë? Lexoni statusin. Të jetë efekti “Tea” edhe këtu?
“Tea(Perputhen)
Më vjen keq për situatën jo të mirë që po kalon, edhe pse më duhet të them se je deri diku fajtore, por jo e vetmja. Është trishtuese që po të bombardojnë me fjalë, nga më ofendueset, por më vjeen shumë keq për këtë “zhgënjim të madhë”, që pesëqindëmijë, apo shtatëqindëmilionë… ku e di unë se sa shqipëtarë nuk paskan patur e nuk kanë asnjë hall tjetër, por vetëm zhgënjimin që i bëre ti Andit !
Se janë pa shpi, se po humbin për ditë njerëz nga Covid 19, se po përmbytën toka e shtëpi… po rreshqet dhe dheu po u del në rrugë, se rrinë pa drita apo pa ujë, nuk dashkan të dikan fare për zhgënjim… por që e tradhëtove ti atë djalin, Andin.
Unë as e imagjinoj të ndjek këto lloj tymuesesh, që i hedhin për të na hedhur hi syve, për këtë realitet të hidhur që po jetojmë !
Shqipëtarët, tashmë janë mësuar me TV- të tona, ku asgjë nuk është e vërtetë… çdo gjë është e kundërtae realitetit !!
Pse ti Tea u mërzite aq tepër dhe tani po del duke qarë e duke fajësuar të tjerët… si kujtove ti se atë famë me çfarë do ta merrje, përvecëse duke plotësuar ato kontratat e frikëshme, si thua ti.
Më tepër habitem nga ky zhgënjim i shqiptarëve, se sa llogjika jote për tu futur në këto emisione fallco, duke mos treguar aty asgjë…po asgjë fare vetëm sharje, ofendimev, grushta e shqelma !
– Pse kështu e gjen rinia burrin e jetës, si thua ti, Tea ?!
Pse nëpër këto produksione nuk merren vajza të thjeshta nga fshati, nga provinca të thella e djem të thjeshtë, që për një arsye apo tjetër, nuk kanë mundur të gjejnë një njeri në jetën e tyre, nuk do t’ishte turp…mund të njihen dhe me një produksion televiziv, po na servirni gjithëmonë femra moderne, me bark perjasht e të lyera e të zhgërryera, shumica silikon e botox dhe djem të palestruar e të fryrë si me pompë, por me sjellje vullgare… kaq budallenjë ju dukemi ne shqiptarët këtyre !!
Tregoni Shqipërinë e vëtetë, atë që është, me njerëz të thjeshtë, me vajza që ju duhet të punojnë e ndonjëherë harrojnë të krehin flokët e tyre… Me djem që punojnë në ndërtim gjithë ditën, për pak lekë e marrin atë çesen e bukës në dorë, ikin në punë.
Këto jemi në të vërtetë, bollë më me bukuroshe falso, që promovuan shalet përjashtë”./revistawho.com
