Prej 11 vitesh, reperi Stresi është pjesë e skenës muzikore shqiptare. Ai numëron me qindra këngë në repertorin e tij dhe fal gjithë përkushtimit ka ndërtuar një karrierë mjaft të suksesshme. Por pas kaq shumë vitesh, reperi ka vendosur të heqë dorë e madje t’i përkushtohet totalisht familjes që do të ndërtojë në të ardhmen me partneren e tij, Kejsi. Në një intervistë ekskluzive për ‘RevistaWho.com’, Stresi dhe Kejsi kanë treguar gjithë rrugëtimin e tyre të dashurisë dhe planet për të ardhmen.
Stresi ka thënë se po mendon të largohet nga Shqipëria, për të ndryshuar gjithçka në jetën e tij. Më tej reperi ka shtuar se është munduar ta lërë muzikën, por e ka pasur të vështirë, ndërsa tani do t’i përkushtohet vetëm familjes. Megjithatë për të lënë gjurmët e tij pas, ai po përgatit albumin e fundit, për të cilin ka dhe mbështetjen e plotë të Kejsit. “Plani im për karrierën është ta mbyll me një album që do i bëj të gjithë të qajnë. Do tregojë prapaskenat e reperave, do tregoj gjithçka që njerëzit nuk dinë, çdo gjë të ‘neveritshme’ që ata kanë bërë, nëpërmjet tekstit të këngës. Unë nuk kam qenë këngëtar, por misionar në muzikë”, – ka thënë Stresi për ‘RevistaWho.com’. /revistawho.com
