Stresi kërcënon hapur: Stine na preu në besë, do ta rrah prap

Pasi pranoi se ka sulmuar fizikisht këngëtarin Stine pas sulmit që i bëri mikut të tij Flori Mumajesit, reperi Arkimed Lushaj ka thënë se kjo ngjarje nuk përfundon me kaq. Stresi për “Telegrafin” tha se Stine i preu në besë dhe tani e tutje është në hasmëri me të. “Do ta rrah sërish, i ka prerë biletën vetes, vetëm nëse rri me polici 24 orë se kështu personalisht nuk do ta kem problem. Njerëzit e pabesë kështu e meritojnë, t’i degjenerosh sa herë t’i shohësh”, tha reperi, shkruan “Telegrafi”. Mw tej reperi shtoi se ai dhe Stine më parë kishin raporte të mira, madje kishin bashkëpunuar edhe në muzikë, por tani e tutje gjërat janë ndryshe. “Kemi punuar bashkë, kemi ngrënë bukë bashkë, por na preu në besë dhe kjo ul poshtë gjithçka. Ishte edhe ai dikur i rëndësishëm për mua e lëre Flori”, tha për fund Lushaj.