Vitin e kaluar pjesëmarrja në festivalin “Kënga Magjike”, rezultoi e suksesshme për Stresin. Artisti rrëmbeu çmimin e internetit me këngën “Sa herë e don”.
Por duket se këtë herë reperin do e shohim tërësisht ndryshe. Projekti me të cilin merr pjesë këtë vit i dedikohet nënës dhe përmes rreshtave gjen fjalë të ndiera, të cilat Stresi i këndon plot emocion. Edhe pse njihet si ‘djalë i keq’ reperi gjithmonë e ka treguar dashurinë që ka për familjen, sidomos për të ëmën. Në intervista të ndryshme ai ka treguar se shumë suksese të jetës së tij ja dedikon së ëmës për shkak të sakrificave të shumta që ajo ka bërë për të.
Kënga është prezantuar ditën e sotme në “Këngën Magjike” dhe duket se është pritur shumë mirë nga publiku./revistawho.com
