Ai është një nga reperat më simpatik të showbiz-it shqiptar. Po flasim për Arkimed Lushaj i cili duket se ka mbyllur vitin 2017-të me shumë ngjarje interesante në jetën e tij.
Fillimisht na tregoi se është shumë i dashuruar me Kejsin, studenten e ekonomikut që studionte në Kanada. Ndërsa sa i përket muzikës vitin e mbylli me një trofe shumë të rëndësishëm në Kënga Magjike, atë të publikut.
Por Stresi ka qenë ndër të ftuarit e parë në programin “Lart e Poshtë”, duke rrëfyer shumëçka nga jeta e tij personale e private.
Gazetarja Suada Daci e ka pyetur reperin për bashkëjetesën e re me partneren e tij ( e cila është kthyer nga Kanadaja) dhe ai është përgjigjur se, “ ku ka zë s’është pa gjë”.
Nga ana tjetër Stresi ka folur edhe për pasionin e tij për kuzhinën, duke na treguar se ai vdes të gatuaj. “Gatimin e kam pasion që në moshë të vogël. Kur ishim të vegjël unë gatuaja edhe për vëllanë tim”, është shprehur reperi i cili sot i gatuan plot dashuri edhe partneres së tij.
Sa i takon muzikës reperi ka pohuar se këtë vit do të vijë me tre projekte të reja muzikore./revistawho.com
https://www.facebook.com/larteposhtetvshow/videos/908529179312257/
