Që pasi doli nga burgu, Stresi duket se ka vendosur të rikuperojë të gjithë kohën e humbur në muzikë. Ai ka paralajmëruar ndjekësit e tij se së shpejti do të ketë shumë bashkëpunime të reja, ndërkohë reperi ka rinisur koncertet e tij. Ditën e sotme, ai ka publikuar një video të shkurtër në ‘Instagram’ shkëputur nga koncerti i tij më i fundit. Stresi ndodhej në skenë duke performuar dhe pavarësisht se ka qenë i rrethuar me truproje, një fans ia ka dalë të ngjitet lart për t’i dhënë reperit një përqafim. Stresi nuk e ka ndaluar performancën, ndërsa pjesa tjetër e publikut ka filluar të brohorasë. “Fansat e vërtetë”, ka shkruar reperi krahas videos, duke shprehur kështu dashamirësinë ndaj djaloshit në fjalë por dhe ndaj të gjithë fansave të tij. Kujtojmë se së fundmi, Stresi është komentuar për një ndarje të mundshme nga bashkëshortja e tij Keisi, por asnjë gjë nuk është konfirmuar zyrtarisht nga dyshja./revistawho.com
https://www.instagram.com/p/B0dzwk2HpSs/?igshid=hvqtc3nunxv4
