A është shpërblyer realisht Stresi pas fitores në Big Brother VIP Kosova? Këtë e ka vënë në pikëpyetje aktori Rezart Veleshnja, i cili gjatë një interviste për emisionin “Andale” deklaroi se reperi nuk i ka marrë ende të gjitha paratë e fituara, duke shtuar dhe se vetë babai i tij, Sali Lushaj, ka vizituar disa herë zyrat e Klan Kosovës.
“Është komplet e pavërtetë ajo që është deklaruar, është shpifje dhe trillim, ku e di unë nga kush. E vërteta e parave është se lekët që Stresi i ka fituar në BBVK, të gjitha i kam tërhequr unë. Jam marrë vetë me të gjitha veprimet,” deklaroi babai i reperit, Sali Lushaj.
Ai shtoi se menjëherë pas përfundimit të spektaklit ishte nënshkruar kontrata me drejtorin e Klan Kosovës dhe çdo detaj financiar ishte zbatuar pa asnjë pengesë.
Kujtojmë se Stresi triumfoi në një finale të fortë të edicionit të parë të Big Brother VIP Kosova, ku u përball me Vedat Bajramin dhe Juliana Nurën, e cila u rendit e treta.
