Reperi i njohur shqiptar, Stresi ditën e sotme ka qenë i ftuari special në ‘Fun Day’. Sigurisht që temë e bisedës është bërë edhe marrëdhënia me të fejuarën e tij Kejsi.
Dihet që çifti prej 3 muajsh e ka zyrtarizuar dashurinë e tyre, por ditët e fundit kanë qarkulluar lajme se mund të ishin ndarë ose të kishte një krisje në marrëdhëniet e tyre. Të gjitha fjalët filluan pasi në profilin e reperit në ‘Instagram’ ishin fshirë fotot me partneren. Për t’i dhënë fund thashethemeve, Stresi tregoi se i kanë hakuar profilin dhe i kanë fshirë fotot me Kejsin, por ende nuk ka arritur ta rimarrë. Sigurisht që pyetjes për një dasmë nuk i shpëtoi edhe këtë herë, por nuk dha një përgjigje të saktë. “Dasma do të bëhet shumë shpejt dhe do jetë tradicionale shqiptare, por nuk e kemi vendosur akoma muajin dhe datën”, -ka thënë ai./revistawho.com
