Mbrëmjen e sotme Stresi ishte i ftuar special në emisionin “Shiko kush luan” dhe në lojën me ‘paintball’ reperi iu përgjigj me sinqeritet çdo pyetjeje. Sipas Stresit, Noizy bën shumë zhurmë për asgjë dhe më pas qëlloi gjithë reperët duke i cilësuar si kopjuesit më të këqinj të hip hopit në botë. Reperi zgjodhi Flori Mumajesin si artistin që do e dëgjonte në çdo kohë, duke qenë se ai është edhe një nga miqtë e tij më të mirë. Ai tregoi se nuk do të bënte asnjëherë bashkëpunim me Rina Balaj dhe se nuk do të pinte kurrë një kafe me të.
Stresi tha se Soni Malaj meriton më shumë famë dhe se Fjolla Morinës do i jepte një rol tjetër në ‘showbiz’. Stresi nuk mund t’ju shpëtonte pyetjeve për jetën e tij private, që tashmë është e shumëdiskutuar. Kur u pyet se cilin personazh do e ketë gjithmonë tatuazh në zemër ai u përgjigj Kejsi, duke gjuajtur foton e ish-partneres së tij. Ai zgjodhi sërish Kejsin kur u pyet se me cilën vajzë të njohur do të kishte pasur një histori dashurie nëse nuk do të ishte në pauzë me të. Në këtë mënyrë Stresi tregoi edhe një herë se ai vazhdon ende ta dojë ish-bashkëshorten dhe se për të do të ketë gjithmonë një vend në zemrën e tij. /revistawho.com
