Studimi i fundit paralajmëron: E ardhmja e njerëzimit e kërcënuar, temperaturat po rriten me ritme të shpejta

Toka është vetëm disa dekada larg nga një pikë kthese klimatike që shkakton ngrohjen globale dhe kërcënon të ardhmen e njerëzimit, kanë paralajmëruar shkencëtarët. Një studim i ri thotë se pragu i temperaturave do të arrijë kur ato të jenë 2 gradë Celsius më të larta se në epokën para industriale. Tashmë temperaturat janë rritur me 1 gradë dhe po vazhdojnë të rriten me ritme të shpejta. Pas disa dekadash ndryshimi i klimës do të jetë i pakontrollueshëm dhe e gjithë bota do të futet në një gjendje të quajtur ‘Toka serrë’. Nëse flasim me terma afatgjatë temperatura mesatare globale do të jetë 4-5 gradë celsius më e lartë se në kohën para industriale, thotë i njëjti studim. Nëse ndodh kjo niveli i detit do të rritet me 60 metra duke rrezikuar të gjitha qytetet bregdetare. Gjithashtu shkencëtarët në studimin e tyre thonë se këto ndrsyhime klimatike paraqesin rreziqe të mëdha për shëndetin, ekonominë, stabilitetin ekonomik. Kështu e gjithë kjo ngrohje e shpejtë e tokës parqaet një kërcënim të vërtet për ekzistencën e njerëzimit dhe shumicën e specieve ekzistuese. /revistawho.com