Në pjesën më të madhe të vendeve mosha mesatare e daljes në pension është 60 vjeç. Përpara se të arrijnë në atë moshë, njerëzit në përgjithësi punojnë 5-6 ditë në javë ose në bazë të orëve të punës. Por një studim i kryer së fundmi ka zbuluar se produktiviteti i njerëzve kur arrijnë të 40-at rritet më shumë nëse punojnë për më pak orë.
Studimi u krye nga disa studiues të Universitetit të Melburnit në Australi. U vlerësua karriera, familja dhe të ardhurat ekonomike të njerëzve të përfshirë në studim. Studiuesit kryesisht testuan aftësitë kognitive të pjesëmarrësve. Ata u testuan në nivele të ndryshme dhe u kërkua që ata të përputhnin numrat dhe letrat brenda një kohe të caktuar dhe të lexonin listat e numrave mbrapsht. Pas përfundimit të testeve, shkencëtarët nxorrën disa përfundime interesante.
Sipas studiuesve, njerëzit e moshës mbi 40 vjeç kanë aftësi më të mira njohëse dhe janë më produktivë kur punojnë vetëm tre ditë në javë. Colin McKenzie, njëri nga studiuesit tha se pasi njerëzit arrijnë një moshë të caktuar dhe nëse punojnë me orë të zgjatura në punë nuk do të jenë shumë produktivë. Stresi dhe lodhja janë faktorët kryesorë që ndikojnë në produktivitetin e një personi. Sipas ekspertëve, kur njerëzit futen në të dyzetat, ata duhet të mësojnë të relaksohen më shumë, pasi kjo do t’i ndihmojë të kenë një jetë më të mirë personale dhe profesionale. /revistawho.com
