Sukseset për Dua Lipën nuk kanë fund. Përmes një postimi në “Instagram”, Dua ka bërë të ditur se ajo u nominua në dy kategori të ndryshme të shfaqjes muzikore amerikane, “American Music Awards”. Ajo zbuloi se është nominuar për “Artistja femër e preferuar” dhe “Kënga e preferuar”. Në postim ajo po ashtu lajmëroi ndjekësit e saj, se për këtë herë të tretë në eventin e madh të ndarjes së çmimeve, ka planifikuar diçka shumë speciale. Na mbetet akoma të presim për të parë se çfarë po kurdis Dua Lipa.
