Mund të themi se ky vit është një ndër më të suksesshmit në karrierën e Dua Lipës. Në janar të këtij viti ajo u nominua në 5 kategori në ‘Brit Awards’, duke u kthyer në femrën e parë që ka marrë kaq shumë nominime. Madje ajo fitoi dhe dy çmime mjaft të rëndësishme ‘Këngëtarja më e mirë britanike’ dhe ‘Këngëtarja më e mirë e re’. Pas këtyre çmimeve vëmendja ndaj këngëtares me origjinë shqiptare u shtua dhe më tepër. Në 6 prill ajo hodhi në treg këngën ‘One Kiss’ bashkëpunim me Calvin Harris që deri tani numëron milion shikime në ‘Youtube’.
Më parë në vitin 2017, Dua publikoi albumin e saj të parë që u quajt ‘Dua Lipa’. Mesa duket ky album është pëlqyer jashtëzakonisht në mbarë botën, sepse janë shitur 2 milionë kopje të tij. Vetë këngëtarja ka publikuar në ‘Instagram’ disa fotografi ku shihet shumë e lumtur dhe ka shkruar: “2 milionë albume të shitura në mbarë botën! Dashuri për fansat dhe ekipin tim.” Me siguri ky nuk do të jetë suksesi i fundit i Lipës, sepse ajo ka treguar se gjithmonë do të jap maksimumin për t’ja dalë gjithmonë mbanë. /revistawho.com
