Pas largimit të saj nga Shqipëria, balerina Klaudia Pepa arriti një sukses të jashtëzakonshëm në shtetin fqinj, Itali. Kohët e fundit ajo ka qenë në qendër të vëmendjes së mediave rozë për shkak të paraqitjes së saj shumë sensuale në fotografi dhe video koreografish. Së fundmi, në ‘Instagram’-in e saj Klaudia ka postuar dy fotografi e veshur e gjitha nga firma ndërkombëtare ‘Adidas’.
“Në setin e videos time të ardhshme. Shihemi së shpejti”, – ka shkruar ajo. Balerina ka nënkuptuar se është bërë imazh i firmës ‘Adidas’ për një nga dyqanet më të njohura me veshje sportive në Itali, Spanjë dhe Republikën Çeke. Edhe dy shqiptare të tjera të njohura në mbarë botën, Dua Lipa dhe Rita Ora kanë qenë më parë imazh i firmës ‘Adidas’. /revistawho.com
