Armina Mevlani është një ndër blogeret më të njohura në Shqipëri. Megjithatë emri i saj i ka kapërcyer kufijtë dhe është bërë i njohur edhe në shumë vende të Europës. Nuk janë të pakta bashkëpunimet e Arminës me disa nga firmat më prestigjioze. Së fundmi, ajo ka bërë të ditur se sapo është përzgjedhur si ambasadore e ‘Moet&Chandon’. Kjo firmë është një nga më të njohurat në Francë për prodhimin e verave dhe shampanjave dhe ndër pijet më të famshme të tyre është ‘Dom Perignon’.
“Ndaj me ju lajmin e lumtur , ‘Moet Society’ më ka përzgjedhur si një ndër blogeret përfaqësuese të ‘Moet&Chandon’. Kjo pije e mrekullueshme më ka shoqëruar në evente shumë të lumtura, ashtu sikurse edhe sot e siç do vazhdojë të më shoqërojë gjithmonë. Rrugëtimi im fillon në fund të muajit maj në udhëtimin e parë me ‘Moet&Chandon’ për t’u pasuar me udhëtime të tjera përgjatë vitit. Kjo pije do më çojë në eksplorimin e vendeve dhe eventeve shumë të bukura, të cilat unë do t’i ndaj me ju shumë shpejt”, – ka shkruar Armina. Blogerja shqiptare si ambasadore e firmës do të udhëtojë në disa prej festave më të rëndësishme me ‘Moet&Chandon’.
Nuk është hera e parë që Armina merr rolin e ambasadores përfaqësuese të një firme, sepse pak muaj më parë ajo u zgjodh si ambasador e firmës së bizhuterive italiane ‘Pomellato’. /revistawho.com
