Tolgahan Sayisman, aktori turk shumë i pëlqyer nga publiku pas përfundimit të serialit “Kampion”, ka nisur xhirimet e një seriali të ri. Seriali do të mbajë titullin “Seref Sozu” dhe Tolga do të ketë rol kryesor. Ky serial pritet të ketë shumë sukses. Në fillim roli iu ofrua Çagatay Ulusoy, por ky i fundit hoqi dorë. Tani suksesi i mbetet Tolgahanit i cili do të rikthehet në ekran në shtator. Lajmin e ka konfirmuar edhe vetë aktori duke publikuar sot foto nga xhirimet. “Urime dhe paçim fat”, -shkruan Tolga krah fotos. Sipas mediave turke krah Tolgahanit do të luajë edhe aktorja Oyku Çelik e cila ka luajtur më parë rolin e Sirma Hatun në serialin “Ertugrul”. Serialit pritet t’i bashkohen dhe aktorë të tjerë, emrat e të cilëve nuk janë zbuluar ende.
