Aktori i njohur turk Halit Ergenç është fotografuar së fundmi nga paparacët në një nga qendrat tregtare më të mëdha të Stambollit. Këtë herë mori shumë vëmendje ndryshimi drastik në pamje që ka bërë Halit. Ai ka hequr mjekrën dhe duket sikur bashkë me të ka hequr edhe disa vite nga fytyra e tij.
Për herë të fundit ai është shfaqur me një pamje të tillë në serialin ‘1001 netë’, ku është njohur me bashkëshorten e tij. Prej shumë kohësh, aktori ka pasur një mjekër të gjatë, e domosdoshme edhe për rolet që ka luajtur së fundmi.
Halit njihet për një sërë rolesh, ndër ta edhe atë të Sulejmanit të Madhërishëm, nga seriali me të njëjtin emër.
