“Sunny Hill Festival”, i ideuar nga këngëtarja me famë botërore, Dua Lipa dhe babai i saj do të zhvillohet sërish në Kosovë vitin tjetër.
Eventi i rëndësishëm, që në edicionin e dytë mblodhi në Kosovë disa artistë më famë botërore dhe artistë të mirënjohur shqiptarë, do të mbahet në Qendrën e Panaireve në Bernicë.
Viti i tretë i organizimit të tij, do të jetë sjellë një program shumë më të pasur dhe artistë të shumtë ndërkombëtar, ashtu siç ndodhi dhe sivjet.
Babai i Duas, Dukagjini, i cili është organizatori i këtij festivali ka nënshkruar marrëveshjen me ministrin e Tregtisë dhe Industrisë, Endrit Shala për vijimin e këtij eventi kulturor.
“Sot, kam nënshkruar marrëveshje me “Sunny Hill Festival”, duke bërë realitet premtimin e dhënë muaj më parë dhe duke dëshmuar që promovimi i turizmit kulturor vazhdon të mbetet njëri ndër prioritet e mia. Përmes kësaj marrëveshje, nga sot e tutje, organizimi i festivalit më të madh rajonal dhe me bujë ndërkombëtare, do të bëhet në Qendrën e Panaireve në Bernicë”, shkruan ministri në rrjetin social, Facebook. Këtë vit festivali u mbaj në Parkun e Gërmisë, në datat, 2, 3 dhe 4 gusht. /revistawho.com
